ولسة يا بلد

انهيار فى جبل المقطم فوق منطقة الدويقة و مئات المفقودين تحت الانقاض اخواتنا و اهالينا

تحت الانقاض بيوت 4 و 5 ادوار ادفنت تحت الارض عائلات بسيطة كانت عايشة على الكفاف عايشة و راضية لكن حكومتنا مش راضية لازم نموت مش لازم نعيش عشان البهوات يرتاحوا المصيبة التانية ان معدات الانقاذ من 9 الصبح مش عارفة تدخل و لغاية دلوقتى تمت ازاله 92 بيت عشان المعدات الثقيلة توصل
المنطقة دى مهددة من زمان و كان فى مشروع قومى تبنته تيزة سوزان اصلها مينفعش تكون مامتى عشان تسكين اهالى الدويقة و منشية ناصر البيوت موجودة لكن الحكومة مش راضية تسكنهم و الشقق بتتباع ب70 الف جنية الشقة و بتتأجر من الباطن ب 400 جنية
و بعدين يا ناس غرقنا فى البحر و البية اخد براءة، مئات المصريين بيموتوا فى البحر هرباً من الزفت و الهم اللى احنا عايشين فيه ناس معندهاش قوت يومها فى وقت البيه بيدفع ملايين من فلوسنا اللى سرقينها عشان يتخلص من حبيبة القلب ناس عايشة فى بطالة، فقر و مرض معندهمش لا صرف صحى ولا مياه عدلة كان ناقصهم ان الارض تتخسف بيهم
البيه نظيف اجتمع النهاردة مع محافظ القاهرة و وزير الاسكان عشان يحل مشكلة الدويقة ، النهاردة يخرب بيوتكم حتحلوا المشكلة النهاردة بعد الناس م ماتت و اتخسف بيها الارض و مووووت يا حمار و البيه المحافظ حينيهم فى خيم فى مراكز شباب يا كرمك يا حكومة خيااااام بمناسبة الخيم الرمضانية يا غجر يا ناكرين الجميل
الكارثة مستمرة بعد الانهيار فى بيوت على حافة الجبل و فى انتظار كارثة اخرى
كلمة اخيرة يا جبلات يا اللى معندكوش ريحة الدم غوروا حلوا عنا بقا ارحمونا انتوا نحس البلد خربت على ايديكم الشورى اتحرقت، الدم فاسد، الخضار مسرطن داهية تاخدكم

ده اسمه ايه لا مؤاخذة

النهاردة فى مجلس الشعب كانوا بيناقشوا قانون حماية المنافسة و منع الممارسة الاحتكارية "حديد، اسمنت و الذى منه" اتناقش القانون فى غياب وزير الصناعة و رئيس لجنة الصناعة فى المجلس القانون اتناقش النهاردة و اتفصل على 5-6 فى البلد منهم واحد و هو المهندس احمد عز "امين لجنة التنظيم و الموازنة، امين التنظيم فى الحزب الوطنى و الملياردير و ملك الحديد" الملك المتوج على عرش المحروسة الآمر الناهى فى مصر اتلغى بندين هامين من القانون
اول واحدة مادة الشاهد الملك يعنى مفيش امل حد يبلغ و التانية
مادة العقوبة الحد الادنى 20 مليون بحد اقصى 100 مليون او 15% من قيمة المبيعات اتلغت النسبة يعنى فى حد اقصى بس يا فرحتى لما يكسب 3 ولا 4 مليار و يدفع الغرامة
المادتين اتلغوا يعنى قانون ضااااااع السؤال موجه لأى حد لسه عنده ضمير فى البلد دى ازاى المسئول الاول عن كل حاجة فى البلد و عن تمرير كل القوانين المهببة اللى بترف على دماغنا يكون واحد من اكبر المحتكرين فى البلد و يكون هو المسئول عن قانون منع الممارسات الاحتكارية

ده اسمه اية لا مؤاخذة

عائدون

الخميس 15 مايو تحل الذكرى ال60 لنكبة 1948، 60 عاماً مرت على اغتصاب ارضنا و تشريد الاف الفلسطينين إلى الشتات 60 سنة على قيام الكيان الصهيونى المغتصب، هذا الكيان بنى على اشلاء اجدادنا و تاريخناأقل ما يمكن ان تقدمه لفلسطين ألا ننسى، يا شباب العرب يا مسلمى الأمة توحدوا لمدة يوم، الخميس القادم 15 مايو اعلان الحداد على المدونات، غيروا البروفيل بيكتشرز و ابعتوا وول بوستس لكل الدنيا....منسناش و مش حننسى الخميس 15 مايو يوم الوفاء لفلسطين، كلمة الشباب العربى للعالم صحيح اتولدنا فى زمن الهيمنة الصهيوامريكية على العالم، فى زمن الهوان و التطبيع و الغاز المصرى لكن عمرنا ما نسينا ان ارضنا مغتصبة، ان مقدساتنا منتهكة

فلسطين عربية من البحر للنهر

Thursday May 15th 1948 a date engraved in the heart and mind of all muslims and arabs worldwide, the date of NAKBA the date symbolizing the usurpation of our land and uprooting the palestinians by the Zionists and building their illegitimate state 60 years passed but we'll never forget, Palestine is our land ...A day to unite, all honest youth will Pay tribute to Palestine Thurs May 15th, Change your profile picture, add photos to your blog, pass fun wall and posts....Say it loudly and clearly

"We'll Never Forget"

و تتوالى النكبات يا عرب...لبنان اسير

مع بدء العد التنازلي لحلول الذكرى الـ"60" لنكبة فلسطين و نكبتنا جميعاً كمسلمين و عرب التي تحل في 14 مايو تشتعل لبنان بنذر حرب اهلية جديدة

يا ريتنا دول عدله ولا محترمة ليها ثقل فى العالم فالواحد يبلعلكم الخناقة عليها ارحمونا كفاية دمار و قتل

كفانا نكبات

بجد بجد لا تعليق

النهاردة بجد مش يوم عادى فى حياتى المعنوية، غالباً فى حد دعا عليا الصبح سمعت شوية اخبار فى الساعتين اللى فاتوا كفيلين انهم يرفعوا ضغط دمى اللى اصلاً منخفض جدااااااً و لا يستجيب للعلاج فيا ريت لو بتعانى من امراض القلب او الضغط متقراش عشان صحتك

اول الاحزان كان الاستاذ جيمى على القناة الاولى فى برنامج بتاع عمرو عبد السميع حالة حوار بيكلم فى ايه ......اللى خايف على نفسه ميكملش.....اللهم بلغت اللهم فاشهد.....بيكلم عن اتفاقية كامب ديفيد، تنمية سيناء و ايه الكضية الفلستينية

ياااااااااا رب

قلت افتح الفيس بووك اروح عن نفسى لقيت مسج من شخص متعجب و منزعج انا ليه زعلانة من اسرائيل و بيقولى انه مصرى يهودى اسرائيلى "ازاى معرفش" و بيقولى انتوا ليه متحاملين علينا انا مصدوم انك مصرية و بتكلمى كدة و قال ايه تعالوا زورونا تجدوا ما يسركم

اما تالت الاحزان و ان شاء الرحمن تكون آخر الاحزان لأن صحتى لن تحتمل و التالتة تابتة و

بتاع....و ده اللى يعنى اخبار البنزين ولا العلاوة حازة فى نفسه ولا حاجة احسن له ميقراش و ميعديش على المدونة دى تانى

مجلس الشعب قرر انه يزود مكافأت الأعضاء بمناسبة العلاوة و من ضمن القرارات انه يزود فلوس بدل مكالمات موبيل الى 3000 جنيه شهرياً لكل عضو ..................يعنى بحسبة بسيطة بدل موبيل قرب المليون و نص فى الشهر

انا حذرتكم من القراية و للآسف مفيش اى كلمة محترمة اقدر اعلق بيها

اللى خايف يروح

مبروووك عليكى الافراج يا اسراء الحمد لله انك وصلتى والدتك المطار و قلبها اطمن عليكى

يا جماعة فى لسة شباب مرمى فى المعتقل من 6 ابريل يا ريت مننسهمش

و كل الناس اللى شايفة ان اسراء خذلتهم براحة على البنت شوية، احنا عملنا اسراء بطلة و قررنا انها مناضلة سياسية و كل الكلام اللى اتعمل ده و اكتب لكن هل اسراء فعلاً كانت مؤهلة لكدة؟ سؤال يمكن ضاع من معظمنا وسط تتباع الأحداث اسراء اول فتاة يصدر بأمرها حق اعتقال من 26 سنه و يمكن ده كان حاجة عجيبة لكن اهو بان اوى ليه اسراء تم اعتقالها...انا مصدقة البنت انها اتعاملت كويس و محدش عملها حاجة بس هى خافت او دماغها اتغسلت و قالت( انا كان تقديرى للأمور غلط و لكنت عارفة ان ده حيحصل مكنتش ابتديت)

مش مهم قالت ايه ولا عملت ايه و بلاش نبتدى نقطع فى البنت و نسلخها اللى اسراء مرت بيه لم يكن بالهين و هى خافت و قررت تروح

اقفلوا صفحة اسراء لأنها لم تصنع 6 ابريل و لم تصنع المعارضة و من اولها اهو .....

اللى خايف يروح

و اخرتها يا بلد

اسراء

دى قصيدة وصلتنى على الميل الصبح، قصيدة مهداة لإسراء...و لو انت مش عارف هى مين فدى بنت مصرية عادية زينا كلنا بنت بتحلم ببيت و ولاد و شغلانة و عيشة احلام كل المصريين البسيطة، لكن هما مستكترين علينا نحلم الحلم ده

لما قريت القصيدة دمعت و دعيت من قلبى تخرجى بسرعة يا اسراء عشان تعرفى اد ايه حركتى كتير جوانا، اد ايه حلمك البسيط غير فينا كتير، صورتك و ضحكتك من جوا عربية الترحيلات علت راسنا لفوق

إسراء...

بنت مصر المنصورة...

مصر الفرحانة ..

.ببنت من بناتها رقيقة أوي...و أمورة...

إسمها إسراء...محطوطة عندنا... في... أحلاها صورة

.........ياتري...هتوصلك في العتمة الكلمات...

العريس...والجهاز...لا لا... إنت مش زي كل الفتيات...

ومش هتبقى ست من بتوع بس...هات...

يمكن بتحلمي بالتبات والنبات...

يمكن عايزة تبقي أم...لبنت زيك ...طموحها فوق كل الحاجات

..

....عارفة ست أبوها أم التسع بنات..

.ساكنة هناك...في كفر الزيات...؟؟

بتشتغل كل يوم في الأرض م الفجر لحد ما الشمس تبات...

شوفتي...في الصبح الموظفات...

يوصلوا مدرسة وحضانة ودايخين فيكي يا مواصلات...

عينى عليهم...أد إيه مطحونات...

شوفتي عاملات المحلة...إللي إديهم زي المكن علطول دايرة؟؟؟

عارفة سلسال الدهب ده...

سلسال الكفاح...والشقا...لستر البت والوله...

ولجل ما المركب تمشي بيهم هادية...اتختم بيك انت يا... بِنية...

يا بنت مصر الولادة..

كنت وحدك في الليلة دية... بنور الحق قايدة

...........
إوعك يا بنتي سريخهم...وتهديدهم يرهبك

...إوعك قدامهم...الفزع يتملكك

...إوعك دموعك تسيل إلا للغالي

...هيطلعولك اللي فات

...وهيقولولك على كل اللي فاكراه...مات

...إوعك يكسروكي...بكلام خايب عن طبيعة البنات

.كوني...بنتنا الجامدة...كوني...بنتنا الصامدة

...........
الزنزانه ساقعة على البنت الصغيرة القلة

...هتكون...زي إبني...بتخاف م الوحدة

...أو زي بنتي ...ما تنام أبدا... فيكي يا ضلمة

...هيكون دعا بهية...في الصمت... ليك ملاغية

...وفي كحلة الضلمة ...هينور ليك إخلاصك للقضية

...........
كل الناس العادية

...عارفاك يا إسراء...جامدة وقوية

...دعيالك الناس دية... دعوة...م القلب...حقيقية...

إن ربنا يبرد عليكي وعلى أمك النار... دية

...

ويبارك في أيامك... كلها الجاية

اللى بشمس النهار هتكون...فرحانة...و متدفية...

فاطمة سليم

http://www.alahamishelter7al.blogspot.com/

شدى حيلك يا محلة

اضراب 6 ابريل كان محاولة تعبير سلمى عن اعتراض الناس على ما آلت اليه الظروف المعيشية، الاقتصادية، و السياسية فى مصر...كان دعوة لرفض الغلاء، الاحتكار و السلبية، كان دعوة لتوعية الناس بحقوقها، كنا عايزين نقول آآآآآآآه و تتسمع، عايزين حد يسمعنا و يحس بينا...عايزين نكون مواطنين من

الدرجة الاولى، صعب اوى الاحساس بالغربة جوه حضن بلدك

لكن ابداً لم و لن تكون دعوة لتخريب بلدنا ولا للسرقة و النهب، حرق اطارات، قطع طرق، تخريب سكة

حديد

احنا مع اهل المحلة فى ازمتهم و ضد كل ما يحدث هناك

معتقلي 6 ابريل...متضامنين معكم

المقبوض عليهم من القاهرة

محمد الأشقر الجيزة

محمد الشرقاوى الشيخ زايد

فتحى فريد التحرير

محمد عبد القدوس وسط البلد

رامى يحيى التحرير

احمد الجيزاوى القاهرة

بهاء صابر وسط البلد

محمد على

ابراهيم فؤاد التحرير

مالك مصطفى المنيل

اكرم الأيرانى المنيل

احمد سعيد المنيل

حسن عبد الله

احمد بدوى

اسراء رشيد

شادى العدل

محمد فؤاد

محمد عواد

سارة عبد الرازق

سارة فخرى

احمد الهوارى عابدين

عمر احمد عابدين

محمد سطوحى

عبدالله يحيى

مجدى حسين

ضياء الصاوى

محمد حمد

احمد عبد الجواد

محمود عبد اللطيف

محمد ابو المجد

غادة محمد جميل

علا كمال محمد

شاميلا - امريكى

المقبوض عليهم من الأسكندرية

السيد احمد فودة اسكندرية

محمد سعد الوسيمى اسكندرية

قطب حسانين اسكندرية

حازم الوكيل اسكندرية

احمد ماجد اسكندرية

احمد محمد السيد اسكندرية

احمد العراقى نصار اسكندرية

المقبوض عليهم من المنصورة

اسامة كامل جامعة المنصورة

سامح حسانين بطليم

( اسماء لم ترد في قائمة هشام مبارك (المصدر وائل عباس

احمد فؤاد

مجدي قرقر

ياسر اسماعيل

احمد صلاح عبدالحميد

وليد صلاح

حاتم شعلان

ابراهيم السيد

محمد سلامة

محمد محمود

احمد فوزي

حازم المليجي

عبدالله عبد الناصر

هيثم عبد النبي

المصدر

:http://6april08.blogspot.com/

قلب البلد موجوع

اغضبى يا دنيا ويا الغاضبين ... الدماء على الارض رمز العاشقين

يا زهرها يا نهرها يا نجوم مساها وفجرها ... ياريح يا زرع ياليل يا نور

دم المظلوم راجع يهد السور ... ويحرر المساجين

من البيوت ومن المزارع والكنايس والجوامع ... والشراقى والسواقى والمدارس والمصانع

من الشمال واليمين ... صوت المظلوم مسموع

قلب البلد موجوع

اسكندرية المريمية

حرام و الله 12000 طالب فى مدارس تجريبية بالاسكندرية كانوا بيدفعوا كل طالب 197 جنية مصاريف سنوية قرر الوزارة او محافظة الاسكندرية ان المدارس دى بقت مميزة بامارة اليه محدش فاهم...يمكن بامارة المجارى اللى فى المدارس و من غير اتفاق مسبق مع اهالى الطلبة مرة واحدة المحافظة قررت ان المصاريف تزيد من 190 جنيه لألف جنيه يعنى تقريباً 5 اضعاف....و السيد المحافظ قال للناس راسكم مطرح رجليكم اللى معهوش ميلزموش عارفين و النكتة ان الوطنى حيكسب فى محليات اسكندرية
بالله عليكم يعملوا ايه الناس يلاقوها منين ولا منين ..... يا رب

صبراً يا مصر صبراً ان بعد العسر فجراً

الحضرى فى سويسرا بقرار رئاسى

فخامة الرئيس مبارك راعى الرياضة و المصريين عينه و قلبه على كل واحد فى البلد، كل واحد فينا له حيز من تفكير الرئيس ....مش عايزين تهريج يا بشر انا عندى الدليل
سيادة الريس الله يكون فى عونه فى عز المعمعة اللى فى غزة، و بعد ما تقدمت اسرائيل باعتذار رسمى لأسرة الفتاة المصرية اللى استشهدت على الحدود و كمان اعتذار رسمى لوزارة الخارجية خوفاً من اننا نسحب سفيرنا زى كل مرة.....و بعد حل ازمة الرئيس المفقود فى لبنان....و حل كل مشاكلنا مياه و عيش و مواصلات و خلافه طلب الرئيس بسرعة حل مشكلة الحارس الفذ، عملاق مصر السد العالى2 و طلب مساعدته على الاحتراف عشان يا حرااااااام يكون نفسه اصله بلغ الخامسة و الثلاتين و لسه معملش اول مليار.........ولا عزاء للمصريين

غزة تنادى هل يسمعها احد؟

يا ريتكم تسكتوا لكن تصريحات بعض من يسموا انفسهم بقادة العرب اصابتنا فى مقتل...بعض القادة "قلق على عملية السلام" و الله ما بهرج قلق على السلام من صواريخ حماس الغبية و واحد تانى "قلق من افراط الصهاينة فى استخدام القوة" عادى يعنى يضربوهم لكن براحة

خالد مشعل يناديكم اليوم يومكم يا أمة المصطفى اليوم يومكم كفاكم صمت انصروا نبيكم عليه الصلاة و السلام بنصرتكم لأخوتكم فى غزة اخوانكم فى غزة و الضفة نزلوا الى الشارع رغم الضرب المستمر

انصروا غزة كفاكم صمت

مازال الظلام يسيطر على عقولنا

سامحونى لو كانت كلماتى مبعثرة بلا ملامح فهى كلمات تعكس حالى و حال أمة ....أمة فقدت القدرة على التحكم فى مؤشر بوصلتها حتى صار الهزل و العبث أهون ما تقترفه فى حق اولادها

مصدقتش عينيا و انا بقرا الجرايد ولا و انا بتفرج على برامج التوك شو........أصبحت غزة هى الجانى و نحن المستهدفين، الموضوع دخل فى كلام كبير اووووى "أمن قومى و خيانة عظمى" كأنه أصبح لزاماً عليك يا مصر ان تلوثى فى حرب اعلامية عبثية ضد اهلنا فى غزة

ااااااااااااااااااااااااه يا غزة

غزة المحاصرة من 8 شهور بقدرة قادر اصبحت الفزع الأعظم و الخطر الأكبر بجد يالا سخرية القدر على رأى يوسف وهبى...........الشحن الاعلامى ضاغط و خانق و متواصل ضد غزة و حماس، اشباه الكتاب انبروا فى كتابة عواميد و مقالات و لقاءات تلفيزيونية دفاعاً عن عرض الوطن و حريته
دولارات مزيفة اسرائلية الصنع هل تؤثر على اقتصادنا الوطنى (ال يعنى عندنا اقتصاد لا و ايه وطنى :))
الارهابيون الهاربون .....لن يصدروا مشاكلهم لنا.....حماس الذراع الايرانى على حدودنا
مصر الأخت الكبرة مش للبهدلة......للصبر حدود و لمصر حدود

حسا انى بتفرج على مسرحية هزلية فالبرامج التلفزيونية تندد بالغزو الغزى لمصرنا المحروسة، و ناس المفروض انهم محترمين بيقولوا احنا محررناش سينا عشان الغزاوية يحتلوها و كلاااااااام كتير عن القانون الدولى و حدودنا كدوله مستقلة و طبعاً عن حماس و الأجندة الاخوانية الايرانية و امراء الحرب امثال الزهار و صيام و رفض مصر كدولة ذات سيادة اقامة دولة اسلامية على حدودها لكن عادى نقبل وجود دولة صهيونية يهودية مغتصبة لا و كمان نتفاوض معاهم السلااااااااااااام يا بشر اكيد اولمرت و رفاقه اجدع من بتوع الاسلام الراديكالى .... شوية مصطلحات سمموا بيها عقول الناس حتى صرنا نحن من يعانى من الاسلاموفوبيا و ليس الغرب

اما قمة الهزل فهم شوية من اهل غزة المنتمين لفتح عباس مش فتح التحرير اللى بيسخنوا المصريين كأنهم لم يعانوا حصار و لم يدخلوا مصر و لما المعبر اتفتح قفلوا على نفسهم باب الغرف حتى يعيشوا جو الحصار و ختمها السيد عباس اللى فى عز ضلمة غزة راح يتعشى مع اولمرت فى نفس الوقت رافض انه يقعد مع خالد مشعل او اى من قيادات حماس عشان انقلبوا على الشرعية و احتلوا غزة مش بقولكم قمة الهزل

لكل الأخوة بتوع الأمن القومى غزة صمام امانا مش المعاهدة "عمر اليهود ما كان ليهم عهد" غزة هى الشوكة اللى فى حلق اليهود لو قضى عليها لم يبقى غيرنا "من النيل للفرات"للبهوات بتوع القانون الدولى أهل فلسطين و غزة بيحموا مقدساتنا و أرضنا المغتصبة فلسطين اسلامية عربية مش بتاعة الفلسطينين لوحدهم.....الأقصى هو اولى القبلتين، ثالث الحرمين و مسرى النبى صلى الله عليه و سلم.....بيت لحم هى مسقط رأس المسيح عليه السلام مش بلدهم يعنى نسيبهم يولوعوا فيها و كل واحد يشوف امنه القومى

فى تجاوزات اكيد فيه لكن

بيع الحاجة ب3 اضعاف تمنها كان اسمه ايه؟
غلق المعبر 8 شهور اسمه ايه؟
وفاة حجاج فى عرض البحر شو بتسموه يا مصريين؟؟؟

صحيح زمن قل فيه الرجال

بالمناسبة فتح المعبر او كسره سموه ما شئتم لم يحل الأزمة و لم يلغى

الحصار....فالحصار قائم و التوغل الصهيونى لن ينتهى و الاغتيالات و الاعتقالات مستمرة

والظلام مازال يسيطر على قلوبنا و عقولنا

انا لا أدعم غزة............ حد عنده مانع

"الفلسطينين خربوا البلدو منهم ارهابيين تسللوا و حيعملوا عمليات ارهابية على ارضنا....لو كانوا غلابة احنا اغلب منهم...الفلسطينين زى اليهود!؟؟ نفس الغدر فتحنا الحدود ضربونا... انا شخصياً لا أدعم غزة"

كلمات قد تبدو جارحة، مؤلمة و غير مبررة بالنسبة لناس كتييييير يمكن اكون انا واحدة منهم، لكنها عين العقل و الصواب فى نظر البعض و للآسف البعض ده ليس بالقليل

استوقفتنى الكلمات كثيراً............"أنا لا أدعم غزة" لما اتقالتلى حسيت ان حد بيقولى يا بنتى فوقى بلاش وهم، بما انى لست من هواة اتهام الناس بالعماله و الخيانة و الكلام الكبير ده و بحترم جداً رأى الناس حتى لو كان عكس كل ما اؤمن به قررت فتح باب الحوار على أفهم

لماااااااااااااااااذا؟

يا ترى الناس دى عندها حق فعلاً وجهة نظر تحترم يعنى؟ هل قابلوا ناس فلسطينين شوهوا بالنسبة لهم شكل القضية" و بالمناسبة فى فلسطينين يكرهوك فى العيشة" لكن دى سيمه الشعوب فيها الصالح و الطالح، ولا ده قلة وعى ان فلسطين دى ارض عربية اسلامية مش حكر على الفلسطينين ولا شحن اعلامى حكومى ولا ايه بالضبط؟؟؟

اما لماذا أدعم انا غزة فردى لكل الناس اهو

http://support-gaza.blogspot.com/2008/02/blog-post_06.html

مش 1 ولا 2 ولا 3 .....4افرحى يا مصر

رجااااااااااااااااااااااله يا شباب مصر....................80 مليون دعوة ربنا يكرمكم و يسعدكم زى ما سعدتونا 80 مليون دمعه فرحة و بسمة رسمتوها يا رجالة

بقيتوا البسمة على وجهة مصر

صحيح انتوا ملوك الجدعنة و الرجوله رفعتوا راسنا و ربنا معاكم ان شاء الرحمن يوم الأحد الكاس مصرية

بحبك يااااااااااااااااااااااا مصر

مهم جدااااااااااً

This is your New Vocabulary in the Dictionary

Rule # 1: In the Middle East, it is always the Arabs that attack first, and it's always Israel who defends itself. This is called "Retaliation".

Rule # 2: The Arabs, whether Palestinians or Lebanese, are not allowed to kill Israelis, either soldiers or civilians. This is called "Terrorism".

Rule # 3: Israel has the right to kill Arab civilians, this is called "Self-Defense", or, if the dead Arabs are by the hundreds, "Collateral Damage".

Rule # 4: When Israel kills too many civilians. The Western world calls for restraint. This is called the "Reaction of the International Community".

Rule # 5: Palestinians and Lebanese do not have the right to capture Israeli military, not even a limited number, not even 1. This is called "Kidnapping".

Rule # 6: Israel has the right to capture as many Palestinians as they want (Palestinians: around 10000 to date, 300 of which are children, Lebanese: 1000 to date, being held without trial). There is no limit; there is no need for proof of guilt or trial. This is called "War on Terrorism".

Rule # 7: When you say "Hezbollah", always be sure to add "supported by Syria and Iran". this is called: "Axis of Evil".

Rule # 8: When you say "Israel", never say "supported by the USA, the UK and other European countries", for people (God forbid) might believe this is not an equal conflict. This is called "Helping our Friends".

Rule # 9:When it comes to Israel, don't mention the words "occupied territories", "UN resolutions", "Geneva conventions". This could distress the audience and is called "Anti-Semitism".

Rule # 10: Israelis speak better English than Arabs. This is why you let them speak out as much as possible, so that they can explain rules 1 through 9. This is called "Neutral Journalism".

Rule # 11: If you don't agree with these rules or if you favor the Arab side over the Israeli side, you must be a very dangerous anti-Semite. You may even have to make a public apology if you express your honest opinion like Mel Gibson. this is called "Democracy".

These rule are for immediate utilization.Thank you for your attention.

جاوب بصراحة......اختبر صدقك

لبيك فلسطين
لبيك غزة

افتحوا باب الجهاد

شعارات انطلقت من حناجر المسلمين من المحيط للخليج، مظاهرات تعم البلاد الاسلامية بسبب حصار غزة و لا حديث الا عن الجهاد الجهاااااااااااااد ؟؟؟؟المسلمين سنه 2008 يتحدثواعن فتح باب الجهاد.......عادى يعنى ايه المشكلة أى مسلم طبيعى المفروض ان اغلى امانيه هى الجهاد بماله و نفسه فى سبيل الله و يا سلام لو كان الجهاد لتحرير القدس اولى القبلتين و ثالث الحرمين و مسرى المصطفى

امممممممم طيب قبل ما اكمل كلامى الملخبط احكيلكم حكاية

زمااااااااااااان فى بلد من بلاد المسلمين كان الناس طول النهار يطلبوا من الحاكم فتح باب الجهاد و مظاهرات و اعتراضات و عادى الحاكم مطنش ، و بعدين فى يوم نادى منادى "يا أهل البلد الكرام....يا مسلمين، يا من طلبوا الشهادة الحاكم يقول من يبغى الشهادة فليخرج مستتراً بظلام الليل و يأخد معه كل ما فى بيته من لبن و يرميها فى البئر الكبير فإذا جاء الصباح و امتلئ البئر فتح باب الجهاد

"فرجت يا رجاله، لبيك يا قدس"

واحد صاحبنا كان سعيد جداًبعدين قال معقول اخد لبن عيالى ارميه فى البير، انا لو اخذت مياه و رميتها مش حتبان فى وسط اللبن و محدش حيشوفنى بالليل ايوة كدة ابقى ضربت عصفورين بحجر سبت اللبن لعيالى و رحت اجاهد و شقشق الصباح و تجمع الناس عند البئر منتظرين فتح باب الجهاد.................

.يا الله كم انتظرنا هذا اليوم

الحمد لله البير مليان

بس مليان مياه

فكر دقيقتين تفتكر احنا احسن حال من اهل البلد دى ولا زينا زيهم

سيدى الرئيس.........هل تسمعنا؟؟؟

سيدى الرئيس فى هذه الظروف لم أجد سواك لأناشده غزة تغرق فى الظلام، فى هذا البرد القارس لا كهرباء يوقودون الشموع و الكانون

سيدى فى هذه اللحظات الفارقة و الحرجة لن نلجاء بعد الله سوى اليك، لا نريد اعلان حرب ولا قطع علاقات ولا أى تصرف اهوج يؤثر على ظروف مصر لكن

صن كرامة المصريين، العرب و المسلمين

نريد وقفة عزة و شرف

يا سيادة الرئيس شرفك العسكرى لا يقبل هواننا إلى هذا الحد!!! ضميرك كإنسان لا يقبل موت الأطفال و النساء و العجائز!!! نخوتك كعربى لا تقبل هواننا إلى هذا الحد

لو مكسرتش مصر الحصار عن غزة و فتحت المعبر و مددتها بالكهرباء ضاعت مصر الريادة و خسرنا دورنا للأبد فغزة جزء منا و امنها امننا..................سيدى حرمة دم مسلم واحد أغلى عند الله من حرمة الكعبة و كل دقيقة تمر فى هذه العتمة المظلمة نخسر روح مسلمة مسالمة

سيدى الرئيس مصر العظيمة دائماً تناشدك فهل تسمعها ام انها تحدث نفسها؟؟؟

افتكاسات 2007 !!!!!

الساعة دقت 12:00............. و نورت السما بكل الألوان نورت ضلمة الليل وقلبنا صفحة 2007 و ابتدينا صفحة جديدة و كلنا امل انها تكون سنة منورة و سعيدة سنة جديدة بجد مش بس رقم اتغير فى النتيجة

قررت اقفل دفترى القديم اللى مليان شخابيط و اطلع الدفتر الجديد عشان ابتدى شخابيط سنة جديدة قلت ابتدى بكتابة امنيات او احلامى لسنة جديدة لكن مقدرتش ارمى دفترى القديم من غير ما اقلب فى شخابيط 365 يوم من عمرى، بعد فرة سريعة فى شخابيطى اكتشفت ان 2007 كان عام الافتكاسات !!!!!! مش مصدقينى

2007

شهدت احداث لا يمكن كان حد يتخيل انها تحصل فى مصر المحروسة وحشة و محبطة غالباً لكن فى شوية افتكاسات

هايلة

التعديلات الدستورية اكبر افتكاسات 2007 يا حرياتك يا مصر "صومنا و فطرنا على بصلة" على نفس الخط انتخابات الشورى لكن عادى الانتخابات مش افتكاسة خااااااااااااالص احنا متعودين لكن المنافسة الضارية بين اعضاء الوطنى تستحق الاحترام

كأنما كتب على المصريين الموت غرقاً ايه الافتكاسة فى الموضوع عادى يعنى متعودين على السلام و اخواتها لكن المرة دى الشباب وصل للدرجة دى من اليأس ؟؟؟

الأخوان خطر على الأمن القومى المصرى

مش اليهود

كان عام الفتاوى المفتكسة؟؟!!صوتك امانة، ارضاع الكبير، التبرك ببول اشرف الخلق عليه الصلاة و السلام، جلد مروجى الشائعات ووووووو متعدوش

عام التعذيب عام القتل و الدم مين بيحمينا من مين؟؟ و الاعتقالات و الصدام مع القضاة حتى القضاة فاض بيهم الكيل

اعتصامااااااااااااات اعتصمااااااااااااات .............الحمد لله صح النوم كدة بلدنا حتتقدم بينا بجد و اخيراً خرج المصريين عن صمتهم و اعترضوا على الظلم و طالبوا بحقوقهم بطلوا يخافوا من عسكر العمدة

اما احزن افتكاسات السنة

هى الصراع الفلسطينى الفلسطينى المستمر الى الآن

كأننا خلاااااااااااااااص

مشاكلنا خلصت و رجعنا الأقصى و ابتدينا نصفى حسابتنا

...............................

و خلصت 2007 بافتكاستها